Mér finnst rigningin góð...já eða þannig

Jú jú rigningin er alveg svona rétt mátulega ágæt...góð fyrir gróðurinn sagði einhver spekingur. Annars var helgin svo skemmtileg að það má alveg rigna fyrir mér    Ég var að spá í að stela færslunni hennar Erlu eins og Birgir gerði en ég ákvað að það yrði frekar "lame" þannig að ég rugla bara eitthvað sjálf. Fórum upp í bústað á föstudagskvöldið sem var rosalega fínt, svo brunuðum við á Apavatn til Erlu og Birgis og áttum frábæran dag og kvöld með skemmtilegu fólki. Stóru börnin voru reyndar hjá ömmu sinni og afa. Nú er bara að byrja að plana útileguhelgina með allt pakkið með sér  

Er annars í einhverju breytingar stuði - kannski ég ætti að breyta stofunni einu sinni enn....humm..eða klára það sem ég á eftir að klára áður en það klárast aldrei

Svo á Gunnar Logi minn afmæli næstu helgi og það er víst bíóferð með vinunum á óskalistanum  

Nokkrar myndir úr útilegunni undir : Sumar 08

Hin skaðlegu áhrif Pistorius

Ég gat nú bara ekki staðist það að tjá mig um þetta. Hmm... óttast er að hlauparinn skaði aðra ef hann dettur?? Hvað vitleysisrugl er þetta eiginlega? hahaha  Hugsið ykkur hvað hægt er að gera í dag! Maðurinn er fótalaus en hefur möguleika á að komast á Ólympíuleikana í hlaupi! Geri aðrir betur segi ég nú bara og ef hann dettur þá væntanlega dettur hann bara , ekki líklegt að fæturnir á honum fljúgi út um allt og kastist í aðra hlaupara meiri líkur eru á að hann meiðist sjálfur.

Ég hef nú grun að eitthvað annað liggi á baki enda hefur Alþjóðafrjálsíþróttasambandið gert ýmsar athugasemdir og prófanir á gervifótunum sem að mati manna séu ekki vandaðar og byggist á röngum forsendum. http://www.ossur.is/Pages/393?NewsID=1829 

Ég segi bara áfram Pistorius!

Óttast að Pistorius geti valdið meiðslum á öðrum

Til hamingju með afmælið elsku Júlía mín! :)

Júlía mín er 10 ára í dag. Ótrúlegt hvað tíminn líður og maður getur ekki annað en horft til baka á undanfarin ár. Margir góðir gestir komu í afmælið og ég vil þakka öllum fyrir stelpuna og komuna og já hjálpina, þetta verður oft eins og besta fermingarveisla  og það veitir ekki oft af!

Júlía mín fæddist 11.júli 1998 kl. 23:34, agalega fín að sjálfsögðu. Af öllum 3 fæðingunum var þetta líklegast fæðingin sem ég var mest afslöppuð yfir enda er Júlía ábyrgðarfull og yfirvegaður einstaklingur og stundum veit ég ekki hver er að ala upp hvern

Til hamingju með afmælið elsku "litla" stelpan mín

 

 

 

 

Myndir í albúmi: Afmæli Júlíu 2008 ;)

Sumarfrí

Er svona búin að vera að skakklappast í sumarfríi undanfarna daga , þótt ég hafi aðeins verið að skottast í vinnunni með Unnar með mér. Það hefur nú samt gengið ótrúlega vel, hann reyndar var í því að henda skónum sínum upp í búðarhillur í Krónunni og hendandi síðan snuðinu sínu um alla búð og fellandi börn og gamalmenni  Samt búinn að vera ótrúlega þolinmóður með mömmu sinni á þessu flakki. Fer svo að vinna aftur alveg í næstu viku og fæ barnapíu til að vera með hann á meðan. Hin kvikyndin eru búin að vera á leikja- og reiðnámskeiðum og þetta hefur allt einhvern veginn pússlast saman enn sem komið er

Kíkti í Húsdýragarðinn í gær með Erlu, Birgi, Ísabellu, Óðni,  Maju, Alex og strákunum þeirra. Gaman að sjá Maju aftur eftir svona mörg ár  :)  Skemmtilegt að fylgjast með hvað Unnar og Óðinn eru góðir saman, þeir voru í því að hrella fugla, sparkandi í ísskiltin og hlaupa um allt eins og þeir væru með rakettu í rassinum.....svo segir Unnar "Leiddu mig" og Óðinn tók í hendina á Unnari og svo leiddust þeir samviskulega saman til baka....ALGJÖRAR dúllur þrátt fyrir allan skæruhernaðinn

Framundan : Afmælið hennar elsku Júlíu minnar og barasta frábær helgi vonandi

ps: Ef þið lumið á einhverjum góðum "fljótlegum" uppskriftum sem gott er fyrir fullorðna í barnaafmæli...þá endilega ekki liggja á þeim ;)

 

Æðisleg helgi :)

Áttum alveg yndislega helgi á Sumarhátið CP félagsins í Reykholti Biskupstungum. Veðrið lék þvílíkt við alla, sól og steikjandi hiti. Ég held ég hafi varla upplifað annað eins veður í útilegu. Júlía, Gunnar Logi og Ísabella skemmtu sér konunglega og dagskráin var í alla staði frábær. Stjórn CP félagsins og aðrir sem áttu hönd í bagga eiga heiður skilið fyrir frábæra skipulagningu og stjórn. Útilegan var eiginlega ákveðin svona á síðustu stundu en það eru nokkur ár siðan við fórum síðast en ég sé sko ekki eftir því. Fékk gamalt tjald og búnað sem stóðu alveg undir væntingum þrátt fyrir aldur

Setti nokkrar myndir inn í albúm merkt CP hátíð 2008

Heimasíða CP félagsins:  www.cp.is

 

2.júlí 1974

Jú jú ég átti afmæli í dag....eða gær þ.e.a.s þar sem klukkan er orðin 5 mín yfir miðnætti. Heyrði að fyrir utan stórkostlegu fæðingu mín að sjálfsögðu þá átti Abba sigurlagið í Eurovision þetta árið með laginu Waterloo ...frábært lag..frábært ár..Þjóðverjar urðu heimsmeistarar í fótbolta 7.júlí 1974, Nixon sagði af sér út af Watergate hneykslinu í ágúst 1974, Isabel Peron verður forseti Argentínu sumarið 1974, Geir Hallgrímsson tekur við forsetisráðherraembætti ágúst 1974, The Amityville horror morðin eru framin af Ronald DeFeo jr., Fornleifar af beinum finnast af frummanni sem nefndur er Lucy, Leonardo DeCaprio fæddist þetta ár eins og svo margir aðrir frábærir 

Margt að gerast margt sem hefur gerst....

Brjóst, agi og smokkar!

Horfði á Dr. Phil í gær, og umræðan var nokkur heit mál sem eru í umræðunni, kannski meira í the usa en hér en samt eflaust líka hér oftar en ekki. Hvað finnst ykkur:

1. Að gefa brjóst á almannafæri? Er það í lagi eða eiga mjólkandi mæður að taka tillit til "umhverfisins" og hylja sig á meðan þær gefa litlu krílunum.

 

 

2. Er í lagi að aga annarra manna börn ef þau gera eitthvað á þinn hlut út í samfélaginu s.s. í garðinum, á veitingastöðum og svo framvegis.

 

 

 

3. Á að gefa smokka í grunnskólum til forvarna?

 

 

 

OK...heit mál hmm..og ég skora á ykkur að koma með ykkar innlegg.

Það sem kom fram í þættinum var eitthvað á þessa leið:

1. Viðhorfin sem fram komu :

a)Já að sjálfsögðu, við erum komin svo langt frá öllu náttúrulegu að það að gefa brjóst er talið vera ógeðslegt jafnvel. Þetta er það náttúrulegasta í heimi - ég ætla ekki að kurlast inn á einhverju skítugu klósetti á meðan barnið mitt borðar matinn sinn. Ég sest niður hvar og hvenær sem er þegar það er svangt og mér gæti ekki verið meira sama um hvað aðrir hugsa.

b)Ég hef ekkert á móti brjóstagjöf en vil bara ekki að brjóstum sé neytt í andlitið á mér á meðan á þeim stendur. Mér finnst það ógeðslegt. Ég kæri mig ekkert um að horfa upp á mæður sletta brjóstunum út á almannafæri. Mæðurnar og börnin eru færanleg og ekkert því til fyrirstöðu að þær geti fært sig á afvikinn stað eða jafnvel hulið þann part sem þær þurfa að bera til að bera sig að. Mér finnst að tillit má taka til þeirra sem þetta fer fyrir "brjóstið" á.

2. Viðhorfin:

a) Já að sjálfsögðu læt ég ekki öskra í eyrun á mér, sparka í mig, bíta jafnvel. Ég segi hvað mér finnst um það og læt börnin heyra að þetta sé nú bara ekki í boði. Ef börn geta ekki hagað sér á almannafæri þá eiga foreldrarnir ekki að vera að fara með þau þar sem þau treysta sér ekki til að hafa hemil á þeim. Hef ekkert á móti börnum og skil að þau geta verið með ólæti og það er eðlilegt stundum en sum hegðun er langt frá þeim mörkum sem ég er tilbúin að þola og finnst það súrt þegar foreldrarnir líta bara í aðra átt og skipta sér ekkert að þeim.

b) Hver ert þú að dæma um hvernig á ala upp mín börn og hefur ekkert með að gera að skipta þér af hvort það uppeldi er gott eða slæmt. Ég læt enga segja mínum börnum hvað á að gera eða ekki gera. Það er mitt hlutverk.

3. Viðhorfin:

a) Að sjálfsögðu eiga smokkar að vera aðgengilegir í skólum. Börn í dag lifa kynlífi mun fyrr en áður og þau verða að hafa þetta aðgengilegt þar sem oftar en ekki eru þau of feimin til að nálgast þetta sjálf. Þau munu prufa sig áfram hvort sem okkur líkar það betur eða verr "its human nature". Þau verða að vita staðreyndir varðandi notkun smokka og hvað það getur komið í veg fyrir s.s. þungun og kynsjúkdóma fyrst og fremst. Einnig er nauðsynlegt að kynfræðsla byrji snemma og umræður varðandi þessi málefni samfara dreifingu verja. Þau verða líka að vita hvernig á að nota þetta.

b) Ég er alfarið á móti því að smokkar séu gefnir út í skólum. Það er eins og að rétta barni sígarettu og segja því að það sé í lagi að reykja. Með því að dreifa smokkum út um allt erum við að gefa krökkum skilaboð um að við séum samþykk því að þau fari að stunda kynlíf þá og þegar. Við ættum frekar að kenna krökkum skírlífi og kosti þess. Að sjálfsögðu er fræðsla nauðsynleg um þessi málefni og þau eiga vita að smokkar geti komið í veg fyrir kynsjúkdóma og þunganir en fyrst og fremst að best sé að sleppa kynlífi þangað til að þau eru orðin nógu gömul til að taka ábyrgð.

Eflaust eru margar hliðar á þessu málefnum og ekki allt klippt og skorið , einnig er þetta tekið úr amerískum þætti sem ekki endilega endurspeglar íslenskt samfélag....eða hvað? Hvað finnst ykkur?? 

Ahhhh...sól, sandur , kokteilar....

 .....rúmlega 700 þrep, gamalmenni, kokteilar, svefn, sólbað, rússibani, kokteilar, Tommi og Jenni, svefn, 30-40km ganga, harðsperrur, sólbruni, spánverjar með munnræpu,  kokteilar, menn með hnífa og vélsagir, pýramídi, kokteilar, Frank Sinatra, Dean Martin, Sammy D. Junior og svefn já var ég búin að minnast á hvítvínsflöskurnar? Hmm...ferðasagan í stuttu máli

 

Annars höfðum við Erla það yndislega gott á Benidorm og maður kemur alveg endurnærður heim, alltaf gott að koma heim 

Nokkrar myndir í Benidorm albúminu....allavega þær sem ég þorði að setja inn hahahahahaha

Og jörðin sagði til sín...

Við fengum hressilega áminningu í dag að við megum okkur lítils gagnvart móður náttúru. Þótt maður lesi um jarðskjálfta og flóð sem valda manntjónum og hræðilegri eyðileggingu er erfitt að ímynda sér þær aðstæður. Sjálf var ég stödd í dag þar sem verið er að reisa nýja Hagkaups verslun í Garðabæ, og við vorum að raða vörum í hillur í sakleysi þegar allt lék á reiðiskjálfi, fólk leit í kringum sig með undrunarsvip eins og okkur íslendingum er einum lagið og sagði: Var þetta jarðskjálfti?? Svo stóðum við bara og veltum þessu fyrir okkur, hvarflaði ekki að manni að hlaupa út einu sinni þótt svo að byggingin gjörsamlega nötraði og skalf og skilti og fleira sveifluðust til og frá. Og við sem búum hér á miðju eldfjalla og jarðskjálftasvæði...."something wrong with this picture?". Annars staðar voru ekki aðrir eins heppnir en sluppu með skrekkinn.

Annars er ég að fara yfir um af tilhlökkun að fara í sólina, sandinn og sjóinn...mmmmmmmmm

Ójá!

Ég veit ég veit...búin að vera löt að blogga. Brjálað að gera eins og vanalega. Er að fara svo til Alicante  í viku með Erlu!!! Vííííí ...   Förum út 2.júní út og ætlum sko að liggja eins og skötur á ströndinni með Margaritu í einni og sólarolíu í hinni   Ohhh hvað ég hlakka til!  Æðislegt að komast aðeins í sól og sumar, hótelið er á besta stað og með morgunmat og kvöldmat þannig að það verður bara Sangria í hádeginu hehe.

Annars er ég að fara að færa mig smá saman í heildsöluna núna en er samt með annan fótinn í búðinni. Það verður breyting að skipta alveg en samt er spennt fyrir því. Helgin verður örugglega crazy...tala nú ekki um ef við rúllum þessu upp annað kvöld í Eurovision , og ég á nú ekki von á öðru..alltaf bjartsýn  Áfram Ísland!