Hó hó hó

Jæja best að hripa einhverjar línur niður svona til að vera með. Mikið búið að ganga á í haust og margt breyst síðan síðast. Pabbi veiktist og lést 2. september og mikið búið að ganga á síðan þá. Maður er svona búinn að vera að reyna að koma sér upp úr doðanum og reyna að byrja almennilega í sálfræðinni í HÍ....já ég veit það er mánuður síðan skólinn byrjaði Þetta kemur vonandi með kalda vatninu og vatnið má alveg fara að kælast mjööög fljótlega. En búin með fyrsta prófið sem var í Almennri sálfræði og næst á dagskrá er ritgerð....alltaf fjör í háskólanum allavega.

Annars svona á öðrum nótum þá er ég alveg yfir mig skotin og ekkert nema gott um það að segja.  Fyndið hvað hlutirnir geta breyst ótrúlega fljótt en er það ekki einmitt það dásamlega við lífið. Það er margbreytilegt og skiptst geta veður í lofti á milli hamingju og sorg ótrúlega fljótt.  Fórum í stóðréttirnar fyrir norðan síðan í byrjun september og það var ótrúlega gaman og nákvæmlega það sem maður þurfti , aðeins að eyða tíma með yndislegu fólki í  yndislegu umhverfi og ekki ónýtt að verða ættleiddur í leiðinni  Frosti stóð sig ótrúlega vel og stóðst inntökuprófið hjá ættingjunum hehe

Gríslingarnir eru hressir og loksins er ég búin að fá liðveislu fyrir Gunnsa og er alveg rosalega ánægð með það. Hún er alveg frábær og ég held að þetta eigi eftir að ganga mjög vel. Gunnar eyddi helginni með henni Beggu og co og ég held bara að hann hafi verið mjög ánægður með þetta allt saman og við fengum smá hvíld í leiðinni ekki það að það hafi ekki verið mikið að gera eins og alltaf. Eyddum megninu af laugardeginum með Einari, Jöru og Stínu í bílskúrnum úti á Nesbala að fara í gegnum dótið þar og uhhh jahhh sko við skulum orða það þannig að ég hef erft ótrúlega söfnunaráráttu frá pabba held ég þar sem mest af dótinu var gamalt dót frá mér sem ég hef geymt frá sautjánhundruð og súrkál. Þar á meðal : bíómiðar frá 1983, glansmyndabækur og límmiðasafn, gömul ástarbréf og öll sendibréf sem ég hef fengið um ævina, gamlir brjóstahaldarar og föt ýmiss konar, bangsar og dúkkuhús, steinar!, gömul bekkjarblöð og skriftarbækur frá því ég var í 2 og 3ja bekk í grunnskóla.... Ég held ég verði að fá mér stærri íbúð til að flytja þetta úr einni geymslu í aðra því ekki ætla ég að henda þessu sko....!!

En nóg í bili....

Athugasemdir

[Erna Lilliendahl, 29.9.2008 kl. 16:58]

Mikið áttu skilið að vera svona skotin og þó ég hafi ekki enn fengið að meta kauða, þá sést langar leiðir að hann er að gera þér gott  Átt líka skilið bara það besta elsku Ausan mín.

Og ég efast ekkert um að þú rúllir upp sálfræðinni, og ef vantar illa spes tilraunadýr í rannsókn, þá bara bjallarðu :D

Knús á ykkur!

[Óskar, 29.9.2008 kl. 17:24]

Það er alveg klárt að þú átt allt gott skilið elsku Ausa. Samhryggist innilega með föður þinn. Það er búið að vera aðdáunarvert að sjá þig standa óbugaða eftir allt sem hefur gengið á hjá þér á jafn skömmum tíma. Þú ert hetja :)

Hvað skólann varðar..pfff...rúllar honum upp.

[Sigrún Magnúsdóttir (IP-tala skráð) 1.10.2008 kl. 19:27]

Takk fyrir síðast! :) Ég kannast mjög vel við þessa söfnunaráráttu. Stundin sem maður stendur með eitthvað í höndunum sem maður á samkvæmt öllum lögmálum að geta látið frá sér (eins og stein einmitt) og hugsar: Ég á eftir að sjá eftir þessu, það kemur ábyggilega einhver eftir nokkrar vikur og spyr, hey, á einhver flottan stein? Oh, þá er ég nýbúin að henda mínum... nei, geymi hann aðeins lengur. Ábyggilega eitthvað sem þú getur tekið sálfræðina á;) Kveðjur til Frosta!

[Hildur Þöll (IP-tala skráð) 2.10.2008 kl. 09:18]

Takk fyrir síðast snússa mín. Þú ert þá skyld pabba í ALVÖRU, söfnunarárátta my ggggggoooooooodddddd, það sem hann geymir stundum er alveg út úr korti, gamlar keðjur t.d.

Knús til ormanna og Frosta og vonandi sjáumst við fljótlega

[Sigurlaug Kristjánsdóttir, 3.10.2008 kl. 14:16]

Mér líst vel á bíómiðann frá 1983....á hvaða mynd var það? Er hann til sölu? Ætli hann virki ennþá?